Qoidalar

Qisqa va ochiq yozdik. Pul aylanadigan joyda tushunmovchilik bo'lmagani ma'qul.

Oxirgi yangilanish: 2026-yil 25-avgust

1.Tugma qanday ishlaydi

Har bir tugmaning bitta egasi bo'ladi. Birinchi band qilish bepul.
Band qilingan tugmani boshqa kishi yuqoriroq bid to'lab olib qo'yishi mumkin.
Tugma sizdan olinganda pul qaytarilmaydi: to'lov tugmani ushlab turgan vaqt uchun.
Tugma qo'ldan ketsa ham nomingiz, logotipingiz va havolangiz "Oldingi egalar" arxivida qoladi — bosh sahifada va o'sha tugma sahifasida.

To'lovingiz kafolatlangan muddat sotib oladi: 5 000 so'm → 6 soat, 10 000 so'm → 12 soat, 25 000 so'm → 24 soat, 50 000 so'm va undan yuqori → 48 soat.
Himoya vaqtida tugmangizni hech kim, hech qanday narxga ololmaydi. Muddat to'lov tasdiqlangan paytdan boshlanadi.
Muddat tugagach tugma yana ochiladi — outbid qilinmaguncha sizda qolaveradi.
Bepul band qilingan tugma himoyalanmaydi: uni istalgan vaqtda outbid qilish mumkin.
Himoya faqat outbiddan saqlaydi. Qoidabuzar kontent himoya muddati ichida ham o'chiriladi va pul qaytarilmaydi.

Har bir qo'l almashish ochiq e'lon qilinadi: kim kimdan, qancha to'lab olgani jonli lentada ko'rinadi.
Bidingiz summasi, tugmangiz tashriflari va necha marta qo'l almashgani reytinglarda ochiq ko'rsatiladi.
Reyting bo'limlari — eng katta bid, eng ko'p tashrif, eng talashilgan, eng uzoq himoya, bugungi outbidlar. Ularning tartibi va soni vaqt o'tib o'zgarishi mumkin.
Ochiq bo'lishini istamasangiz, tugma band qilmang: bu doskaning butun mohiyati ko'rinishda.

To'lov kartaga qo'lda o'tkaziladi. Summa aynan mos kelishi shart, to'lovingizni shu summa orqali taniymiz.
To'lov tasdiqlangach tugma sizga o'tadi: odatda bir necha daqiqa, ko'pi bilan 24 soat.
24 soat ichida tasdiqlanmasa, pul to'liq qaytariladi.

Firibgarlik, qimor, 18+, alkogol va tamaki, zararli yoki aldov havolalar.
Siyosiy va diniy tashviqot, haqorat, boshqa odam yoki brend nomidan chiqish.
Bunday kontent ogohlantirishsiz o'chiriladi va pul qaytarilmaydi.
Qoidabuzar kontent arxivda ham qolmaydi: doskadan ham, "Oldingi egalar" ro'yxatidan ham butunlay o'chiriladi.

Tugmangizni brauzeringizda saqlangan maxfiy token orqali tahrirlaysiz. Brauzer ma'lumotlarini tozalasangiz token yo'qoladi.
Token yo'qolsa, Telegram orqali yozing, qo'lda tiklaymiz.
Tugmani o'zingiz bo'shatishingiz mumkin, lekin bu holatda ham pul qaytmaydi.
Nomingiz, havolangiz va tavsifingiz keyingi bid uchun brauzeringizda saqlanadi — qayta yozib o'tirmaysiz. Bu ma'lumot faqat sizning brauzeringizda turadi va siz bid yuborganingizdagina serverga ketadi.

Bu loyiha eksperiment. Saytning uzluksiz ishlashiga, tashriflar soniga yoki qancha yashashiga kafolat bermaymiz.
Sayt yopiladigan bo'lsa, oldindan Telegram orqali xabar beramiz.

Telegram orqali yozing: @sukhrob_abdullayev